ગુજરાતના પોલીસ વહીવટી તંત્રમાં મોડી રાત્રે બદલીનો ઓર્ડર થતા ખળભળાટ મચી ગયો છે. રાજ્યના ગૃહ વિભાગે એકસાથે 37 જેટલા ઉચ્ચ IPS અધિકારીઓની સામુહિક બદલીના ઓર્ડર કરીને મોટો આદેશ જારી કર્યો છે. આ ફેરબદલમાં સૌથી વધુ ચર્ચા નિર્લિપ્ત રાયની છે, જેમને સ્ટેટ મોનિટરિંગ સેલ (SMC) માંથી હવે રાજકોટ રેન્જના DIG તરીકે મોટી જવાબદારી સોંપવામાં આવી છે.
રાજકોટ અને સુરતમાં ધરખમ ફેરફાર
રાજકોટ રેન્જમાં નિર્લિપ્ત રાયની એન્ટ્રીની સાથે જ ચૈતન્ય માંડલિકને રાજકોટ શહેરના એડિશનલ કમિશનર (ક્રાઈમ અને ટ્રાફિક) તરીકે નિયુક્ત કરવામાં આવ્યા છે. બીજી તરફ, સુરત શહેરમાં પણ મોટો ફેરફાર જોવા મળ્યો છે. મહેન્દ્ર બગડિયાને સેક્ટર-2 અને બલરામ મીનાને સેક્ટર-1 ના એડિશનલ કમિશનર બનાવવામાં આવ્યા છે, જ્યારે કરનરાજ વાઘેલા હવે સુરત ક્રાઈમની કમાન સંભાળશે.
અમદાવાદ રેન્જ અને અન્ય શહેરોની સ્થિતિ
અમદાવાદ રેન્જના આઈજી તરીકે રાઘવેન્દ્ર વત્સની નિમણૂક કરવામાં આવી છે, જેઓ પહેલા સુરતમાં હતા. અમદાવાદ શહેરમાં પણ ડૉ. તરૂણ દુગ્ગલને એડિશનલ કમિશનર (વહીવટ) અને આર. ટી. સુસારાને સ્પેશિયલ બ્રાન્ચમાં જવાબદારી સોંપાઈ છે. વડોદરામાં નિલેશ ઝાઝડિયાને જોઈન્ટ કમિશનર (સેક્ટર-2) અને ડૉ. સુધીરકુમાર દેસાઈને સેક્ટર-1 નો ચાર્જ સોંપાયો છે.
મહિલા અધિકારીઓનો વધ્યો દબદબો
સરકારે આ વખતે મહિલા IPS અધિકારીઓ પર પણ મોટો ભરોસો મૂક્યો છે. પરીક્ષિતા રાઠોડને બનાસકાંઠા રેન્જની કમાન સોંપાઈ છે, જ્યારે વિધિ ચૌધરીને પંચમહાલ-ગોધરા રેન્જ અને સરોજ કુમારીને વડોદરા જેલના DIG તરીકે પોસ્ટિંગ આપવામાં આવ્યું છે. ડૉ. લીના પાટીલ હવે કરાઈ પોલીસ એકેડેમીમાં ભાવિ પોલીસ અધિકારીઓને તૈયાર કરશે.
જેલ, ACB અને ઇન્ટેલિજન્સમાં નવા ચહેરા
ભ્રષ્ટાચાર નિરોધક બ્યુરો (ACB) માં પી. એલ. માલ અને દિપકકુમાર મેઘાણીને મહત્વના હોદ્દા મળ્યા છે. સાયબર ગુનાઓ રોકવા માટે બિપિન આહિરેને ગાંધીનગર સાયબર સેન્ટર ઓફ એક્સેલન્સની જવાબદારી અપાઈ છે. આ સિવાય જેલ વિભાગમાં આર. પી. બારોટ (અમદાવાદ) અને જી. એ. પંડ્યા (રાજકોટ) ની નિમણૂક કરી જેલ પ્રશાસનને પણ મજબૂત કરવાનો પ્રયાસ કરાયો છે.
લાંબા વેઈટિંગ બાદ 11 અધિકારીઓને મળ્યું પોસ્ટિંગ
છેલ્લા ઘણા સમયથી પોસ્ટિંગની રાહ જોઈ રહેલા હિતેશ જોયસર, તરૂણ દુગ્ગલ, ચૈતન્ય માંડલિક, સરોજ કુમારી, રાજેન્દ્રસિંહ ચુડાસમા અને સુધા પાંડે સહિતના 11 અધિકારીઓને સાઈડલાઈન કરવાને બદલે મહત્વના ફિલ્ડ પોસ્ટિંગ આપવામાં આવ્યા છે.
કોને ક્યા મુકવામા આવ્યા છે, 37 IPS અધિકારીઓનુ લીસ્ટ
૧. શમશેર સિંઘ: ડાયરેક્ટર, સિવિલ ડિફેન્સ અને કમાન્ડન્ટ જનરલ, હોમ ગાર્ડ્સ, અમદાવાદ
૨. અશોક કુમાર: IG, C.I.D. (ઇન્ટેલિજન્સ), ગાંધીનગર
૩. ગગનદીપ ગંભીર: IG, સ્ટેટ મોનિટરિંગ સેલ (SMC), ગાંધીનગર (વધારાનો હવાલો)
૪. ગૌતમકુમાર પરમાર: IG, C.I.D. (ક્રાઈમ), ગાંધીનગર
૫. રાઘવેન્દ્ર વત્સ: IG, અમદાવાદ રેન્જ, અમદાવાદ
૬. નિલેશ ઝાઝડિયા: જોઈન્ટ કમિશનર (સેક્ટર-૨), વડોદરા શહેર
૭. બિપિન આહિરે: DIG, સાયબર સેન્ટર ઓફ એક્સેલન્સ, ગાંધીનગર
૮. પી. એલ. માલ: જોઈન્ટ ડાયરેક્ટર, એન્ટી કરપ્શન બ્યુરો (ACB), અમદાવાદ
૯. એન. એન. ચૌધરી: DIG, ઇન્ટેલિજન્સ-૨, ગાંધીનગર
૧૦. એ. જી. ચૌહાણ: જોઈન્ટ કમિશનર (ટ્રાફિક), અમદાવાદ શહેર
૧૧. આર. વી. અસારી: IG, ભાવનગર રેન્જ, ભાવનગર
૧૨. કે. એન. ડામોર: DIG, C.I.D. (ક્રાઈમ), ગાંધીનગર
૧૩. મકરંદ ચૌહાણ: DIG (લો એન્ડ ઓર્ડર), ગાંધીનગર
૧૪. પરીક્ષિતા રાઠોડ: DIG, બનાસકાંઠા રેન્જ, પાલનપુર
૧૫. વિધિ ચૌધરી: DIG, પંચમહાલ-ગોધરા રેન્જ, ગોધરા
૧૬. વિશાલકુમાર વાઘેલા: DIG, સ્ટેટ મોનિટરિંગ સેલ (SMC) અને પોલીસ રિક્રુટમેન્ટ બોર્ડ
૧૭. ડૉ. લીના પાટીલ: પ્રિન્સિપાલ, ગુજરાત પોલીસ એકેડેમી, કરાઈ
૧૮. નિર્લિપ્ત રાય: DIG, રાજકોટ રેન્જ, રાજકોટ
૧૯. દિપકકુમાર મેઘાણી: જોઈન્ટ ડાયરેક્ટર, એન્ટી કરપ્શન બ્યુરો (ACB), અમદાવાદ
૨૦. મહેન્દ્ર બગડિયા: એડિશનલ કમિશનર (સેક્ટર-૨), સુરત શહેર
૨૧. હિતેશકુમાર જોયસર: DIG, ઇન્ટેલિજન્સ-૧, ગાંધીનગર
૨૨. ડૉ. તરૂણ દુગ્ગલ: એડિશનલ કમિશનર (વહીવટ), અમદાવાદ શહેર
૨૩. ચૈતન્ય માંડલિક: એડિશનલ કમિશનર (ક્રાઈમ અને ટ્રાફિક), રાજકોટ શહેર
૨૪. સરોજ કુમારી: DIG (જેલ), વડોદરા
૨૫. રાજેન્દ્રસિંહ ચુડાસમા: DIG, જૂનાગઢ રેન્જ
૨૬. આર. પી. બારોટ: DIG (જેલ), અમદાવાદ
૨૭. જી. એ. પંડ્યા: DIG (જેલ), રાજકોટ
૨૮. આર. ટી. સુસારા: એડિશનલ કમિશનર (સ્પેશિયલ બ્રાન્ચ), અમદાવાદ શહેર
૨૯. સુધા એસ. પાંડે: DIG (આર્મ્ડ યુનિટ્સ), વડોદરા
૩૦. સુજાતા મઝમુદાર: DIG (આર્મ્ડ યુનિટ્સ), ગાંધીનગર
૩૧. ડૉ. સુધીરકુમાર દેસાઈ: એડિશનલ કમિશનર (સેક્ટર-૧ અને ટ્રાફિક), વડોદરા શહેર
૩૨. બલરામ મીના: એડિશનલ કમિશનર (સેક્ટર-૧), સુરત શહેર
૩૩. કરનરાજ વાઘેલા: એડિશનલ કમિશનર (ક્રાઈમ), સુરત શહેર
૩૪. એસ. વી. પરમાર: એડિશનલ કમિશનર (ટ્રાફિક), સુરત શહેર
૩૫. એ. એમ. મુનિયા: DIG, કોસ્ટલ સિક્યુરિટી, અમદાવાદ
૩૬. મયુર પાટીલ: ડેપ્યુટી કમિશનર (Zone-8), અમદાવાદ શહેર
૩૭. વાબાંગ જામીર: બદલી બાદ હાલ પ્રતિક્ષા હેઠળ
