-
દોઢ વર્ષથી પહેરેલ કપડે પિતાને ઘરે આવ્યા છતાં ફરક નહી પડતાં અંતે પોલીસ સ્ટેશનમા રાવ
-
પતિ તથા સાસુ, સસરા અને બે કાકા સસરા અને એક કાકી સાસુ સહિત છ લોકો વિરૂદ્ધ ફરિયાદ
-
ઘરમાંથી નીકળી જા તને રાખવી નથી ઘરમાં આવીશ તો જાનથી મારી નાખીશ તેમ કહી શારીરિત માનસિક ત્રાસ આપતા હતા
Advertisement
ડેસ્ક પંચાયત સમાચાર24 તા.12
સીંગવડ તાલુકાના ચુંદડી ગામની પરણિતાને શહેરા તાલુકાના પોરડા ગામના સાસરિયાઓ દ્રારા ઘરના કામકાજ મુદ્દે અને તને ઘરમાં રાખવી નથી ઘરમાં આવીશ તો મારી નાખવાની ધમકી આપતાં દોઢ વર્ષથી પિતાના ઘરે આવેલી યુવતીએ આખરે સાસરિયાઓ વિરૂદ્ધ દાહોદ મહિલા પોલીસ મથકે શારીરિક માનસિક ત્રાસની ફરિયાદ નોંધાવી હતી.
સીંગવડ તાલુકાના ચૂંદડી ગામની 34 વર્ષિય રેખાબેન ગોરાંગકુમાર પટેલના લગ્ન તા.23 જુન’2020ના રોજ શહેરા તાલુકાના પોયાડા ગામે રહેતા અશ્વિન પટેલના પુત્ર ગોરાંગ સાથે થયા હતા. ત્યારે રેખાના પતિ ગૌરાંગ ગોધરાની સ્કૂલમાં નોકરી કરતાં બન્ને ગોધરા રહેતા હતા. લગ્નજીવન દરમિયાન પતિ ગૌરાંગે રેખાબેનને ત્રણ માસ જેવુ સારી રીતે રાખ્યા બાદ ગાળો બોલી તને રાખવી નથી તેમ કહી અવાર નવાર મ્હેણા ટોણા મારતો હતો. તેમજ ઘરનુ કામકાજ બરાબર કરતી નથી, ઘરમાંથી નીકળી જા તને રાખવી નથી ઘરમાં આવીશ તો જાનથી મારી નાખીશ તેમ કહી શારીરિત માનસિક ત્રાસ આપતો હતો, તેમજ સસરા અશ્વિન પટેલ, સાસુ મીનાબેન પટેલ, કાકા સસરા મુકેશ ચતુર પટેલ અને મહેશ ચતુર પટેલ તેમજ કાકી સાસુ કૈલાસ મહેશ પટેલ પણ અવાર નવાર મ્હેણા ટોણા મારી રેખાબેનના પતિ ગોરાંગને ચઢામણી કરી શારીરિક માનસિક ત્રાસ આપતા હતા. પરંતુ ઘર સંસાર બગડે નહી તે માટે રેખાબેન બધાનુ મુંગા મોઢે દુખ સહન કરતી હતી. સાસરિયાઓનો અસહ્ય ત્રાસ સહન કરવા છતા પતિ તથા સાસરિયાઓમાં કોઇ પણ જાતનો ફરક પડ્યો ન હતો. જેથી રેખાબેન પહેરેલ કપડે છેલ્લા દોઢેક વર્ષથી તેમના પિતાને ઘરે રહેવા આવી ગઇ હતી, દોઢ વર્ષનો સમય વિતવા છતા પતિ ગોરાંગકુમાર મા કોઇ પણ ફરક પડ્યો ન હતો. જેથી પોતાનો ઘર સંસાર ચાલે તેમ ન હોય રેખાબેને પતિ ગોરાંગકુમાર તથા સાસુ, સસરા અને બે કાકા સસરા અને એક કાકી સાસુ સહિત છ લોકો વિરૂદ્ધ દાહોદ મહિલા પોલીસ મથકે શારીરિક માનસિક ત્રાસની ફરિયાદ નોંધાવી હતી. પોલીસે પરણિતાની ફરિયાદના આધારે તપાસનો ધમધમાટ શરુ કર્યો હતો.
મયુર રાઠોડ, મેનેજીંગ એડિટર
