Panchayat Samachar24
Breaking News
તાજા સમાચાર લીમખેડા

લીમખેડા – ઝાલોદ હાઈવે પર મોટાહાથીધરા નજીક રાહદારી બે વિધાર્થીનીઓને ટ્રકે ટક્કર મારતા કરૂણ મોત: ટ્રકે બાઈકને ટક્કર મારતા બે વ્યક્તિઓ ઈજાગ્રસ્ત

  • હિટ એન્ડ રનની ઘટના બે વિદ્યાર્થીનીઓ ના મોત
  • તિર્થ ઇન્ટરનેશનલ સ્કુલ મા અભ્યાસ કરી પરત ઘરે જતી હતી બંન્ને વિધાર્થીનીઓ
  • ટ્રકે બાઈક ને પણ ટક્કર મારતા બે વ્યક્તિઓ ઈજાગ્રસ્ત
  • આશાષ્પદ બે દિકરીઓના મોત નિપજતા લીમખેડામાં ઘેરા શોકની લાગણી છવાઇ
ડેસ્ક પંચાયત સમાચાર24, તા.13
લીમખેડા – ઝાલોદ હાઈવે રોડ પર મોટા હાથીધરા ગામ નજીક શાળામા અભ્યાસ પુર્ણ કરી પગપાળા ઘરે જતી તિર્થ ઇન્ટરનેશનલ સ્કુલ મા ધોરણ ૧૦ અને ધોરણ-૧૨ સાયન્સની બે વિદ્યાર્થીનીઓને લીમખેડા તરફથી આવતી માતેલા સાંઢની જેમ પૂરપાટ ઝડપે આવતી ટ્રકે અડફેટમા લેતા ટ્રક ના પૈડા બંને વિદ્યાર્થિનીઓ ઉપર ચઢી જતા બંન્ને વિધાર્થીનીઓ ના ઘટના સ્થળે જ કરૂણ મોત નિપજયા હતા, તે સમય દરમિયાન જ ટ્રકના ચાલકે અન્ય બાઇકને પણ ટક્કર મારતા બાઈક સવાર બે વ્યક્તિઓ પણ ઈજાગ્રસ્ત થયા હતા.
લીમખેડા નગરમાં માર્કેટ રોડ વિસ્તારમાં આવેલા રામદેવજી મંદિરના પૂજારી લલિતકુમાર શર્મા ની પુત્રી ધોરણ-૧૦માં અભ્યાસ કરતી હિમાંશીબેન શર્મા ઉંમર વર્ષ 15 તથા લીમખેડા બજાર મા રહેત  સતીશ લક્ષ્મીનારાયણ લખારા ની પુત્રી ધોરણ ૧૨ સાયન્સમાં અભ્યાસ કરતી મહેક ઉર્ફે મોનું સતિષભાઈ લખારા ઉંમર વર્ષ 16 આ બંને વિદ્યાર્થીનીઓ જેતપુર ગામે આવેલી તીર્થ ઇન્ટરનેશનલ શાળામાં સવારે અભ્યાસ કરવા ગઈ હતી, શાળામા અભ્યાસ પુર્ણ કરી સાંજના ચાર વાગ્યાની આસપાસ શાળાએથી છૂટીને બંન્ને વિદ્યાર્થીનીઓ પગપાળા ઘર તરફ જઈ રહી હતી,  તે દરમિયાન સાંજના ૪.૧૫ કલાકના સુમારે રસ્તામાં મોટા હાથીધરા ગામ પાસે પહોંચતાં જ લીમખેડા તરફથી માતેલા સાંઢની જેમ પુરપાટ ઝડપે આવી રહેલી એક ટ્રકના ચાલકે આ બંને વિદ્યાર્થિનીઓને ટક્કર મારતા ટ્રકના પૈડા બંન્ને વિધાર્થીનીઓ પર ચડાવી દેતા હિમાંશી શર્મા તથા મહેક લખારા સહિત બંને બહેનપણીઓ નું ઘટના સ્થળ પર જ કમકમાટીભર્યું મોત નીપજયું હતું, ત્યારબાદ સ્ટેરીંગ પરનો કાબુ ગુમાવી બેઠેલા ટ્રકના ચાલકે અન્ય બાઈક ચાલકને પણ અડફેટમાં લીધો હતો તેથી બાઈક ઉપર સવાર રાકેશભાઈ પ્રકાશચંદ્ર લખારા તેમજ યસ અંકિત સંઘવી રસ્તાની બાજુમાં ફંગોળાઇ જતાં તેઓને પણ શરીરે નાનીમોટી ઈજાઓ થવા પામી હતી
આ બનાવ સંદર્ભે રાકેશકુમાર પ્રકાશચંદ્ર લખારાએ નોંધાવેલી ફરિયાદના પગલે લીમખેડા પોલીસે ટ્રકચાલક વિરૂદ્ધ ગુનો નોંધી આગળની કાર્યવાહી હાથ ધરી છે.
મયુર રાઠોડ, મેનેજીંગ એડિટર

સંબંધિત પોસ્ટ

દાહોદ જીલ્લા પંચાયતની સલરા સીટના જીલ્લા સભ્ય શ્રીમતિ શાંતાબેન મુકેશભાઈ પારગીની સરાહનીય કામગીરી: પોલીસ ભર્તી મા ફિઝિકલ ટેસ્ટ પાસ કરેલ ઉમેદવારોને પરીક્ષાની તૈયારી માટે વિના મુલ્યે પુસ્તકોનુ વિતરણ કરાયુ

Panchayat Samachar24

ગાયનું છાણ અને ગૌમુત્ર દેશની અર્થવ્યવસ્થાને મજબૂત કરવામા મદદરૂપ થઈ શકે છે : મુખ્યમંત્રી શિવરાજસિંહ ચૌહાણ

Panchayat Samachar24

ખાંડનો વધુ પડતો ઉપયોગ લિવર અને હૃદયને કરી શકે છે ખરાબ: ગોળનો ઉપયોગ કરી આજીવન રહી શકશો તંદુરસ્ત

Panchayat Samachar24

ફતેપુરા મામલતદાર કચેરીમાં અરજદારોની લાંબી કતારો સોશિયલ ડિસ્ટન્સના લીરેલીરા ઉડ્યા: કોરોના સંક્રમણ ફેલાવાની ભીતી 

Panchayat Samachar24

ગુજરાત સરકારના ક્લાઇમેટ ચેન્જ વિભાગના સેક્શન ઓફિસરનું કોરોનાથી મૃત્યુ, માત્ર ત્રણ જ અઠવાડિયામાં SO, Dy.SO કક્ષાના પાંચમા અધિકારીનું દુઃખદ નિધન

Panchayat Samachar24

ધાનપુર તાલુકાના દુધામલી ગામે દીપડાને બાંધી પજવણી કરનાર ત્રણ આરોપીઓ વિરુદ્ધ ફરિયાદ નોંધાઈ: ત્રણેય આરોપીઓના કોર્ટે એક દિવસના રિમાન્ડ મંજૂર કર્યા

Panchayat Samachar24